Kvifor bør eg ha ein skogbruksplan?

Ein skogbruksplan hjelper deg å optimere dine verdiar/skogsverdien:

• God planlegging gir betre lønsemd over tid.
• Hogg skogen når han er hogstmoden, og unngå økonomisk tap ved for tidleg hogst.
• Skap ein skog med høg tømmerverdi gjennom suppleringsplanting og ungskogpleie.
• Sikre økonomisk og økologisk berekraftig drift.
• Ikkje hogg meir enn skogen veks.

Ein skogbruksplan hjelper deg å leve opp til krav i lovverk og sertifisering:

• Skogeigarar på eigedomar med over 50 dekar skog må ha miljøregistreringar i skog (MiS) for å kunne selje tømmer.
• Skogeigar må vise omsyn til fleirbruksverdiar (freda kulturminne, turstiar m.m.)
• Dei store tømmerkjøparane krev at skogeigar følger krava i Norsk PEFC Skogstandard (kantsoner, rovfuglreir m.m.)

Ein skogbruksplan er eit nyttig verktøy i din kvardag som skogeigar:

• for å vurdere rett kategori for skatting av skog
• for å vurdere tilbod på hogst
• ved sal eller overdraging av eigedom (billeg takst)
• for å vurdere om det er lønsamt å bygge veg